Ta rơh tâm mâp , Thủ tướng lah na nê̆, Việt Nam ton mbra hăn ndrel n’hanh nta ăp nău dơh nơih tĭng nău ntrŭnh pháp luật gay ma ăp doanh nghiệp Philipines ƀư ntuh kơl geh nău dơi, nâp nâl, jŏ jong ta Việt Nam.

Thủ tướng Chính phủ đă 2 ding an geh ƀư âk lơn tay ăp nău pah kan tâm mâp, tâm nđur, tâm mbơh nău gay ma ntrôl tâm kơl kan, ntrôl tâm rgop 2 n’gâng kan wăng sa, ƀư tĭng ueh ăp nău tâm ton gâl têh, ndơ̆ tâm boh kan ndrel lĕ rngôch Việt Nam - Philipines hăn lăp jru tâm nău rêh, ngăn ngên, geh săk rnglăy lơn, yor nău mpŏng ŭch têh kuăng bâh ăp dak, yor nău rêh đăp mpăn hơm tăm bâh ƀon lan 2 dak; yor nău đăp mpăn, ueh lăng, tâm kơl n’hanh hun hao ta nkual n’hanh ta lam ntur neh.