Kêng măng (25/12), ta Ngih Chính phủ, Thủ tướng Chính phủ Phạm Minh Chính râng rƀŭn nchră lam dak n’glôch jêh 20 năm ƀư tĭng Nghị quyết 36 bah Bộ Chính trị n’hanh ăp samƀŭt ntĭm rđău geh tât trong kan nuĭh Việt Nam gŭ dak bah dih.

Rƀŭn nchră mĭn lah nsum mpôl nuĭh Việt Nam gŭ dak bah dih lah nuĭh mô dơi nkhah êng bah rnoi nuĭh, lah nuih n’hâm khlay rgop an hun hao bah neh dak. Jêh 20 năm mbơh ƀư Nghị quyết nsum mpôl lĕ hun hao ngăch n’ăp đah rnoh n’hanh uĕh nâp, bah nklăp 2,7 rkeh nuĭh năm 2004 hao bơi 6,5 rkeh nuĭh ta rlău 130 dak n’hanh nkual neh, tâm nĕ nklăp 80% gŭ rêh ta ăp dak hun hao, geh ntŭk gŭ nar lơ dơi mĭn lah.

Ntoh ngơi ntĭm rđău ta rƀŭn nchră, Thủ tướng Phạm Minh Chính đă lôch jêh tay nău kơl, nta nơih an nuĭh gŭ dak bah dih râng jru hvi tâm nău rêh wăng sa-rêh jêng, mât nău mĭn bôk rngok, n’hao boăt nthoi n’hanh ndâk njêng cơ sở dữ liệu mpeh nsum mpôl nuĭh Việt Nam gŭ dak bah dih.