Mbah rhơn nkah gĭt 80 năm Nar ndâk njêng Tahen ƀon lan Việt Nam, 35 năm Nar rgum mât njrăng bri dak lam ƀon lan, ôi 19/12, Thủ tướng Chính phủ Phạm Minh Chính râng ntơm ƀư Mpla nsơ Mât njrăng bri dak lam ntŭr neh Việt Nam năm 2024-nău ƀư khlay n’hanh lah geh nkô̆ nău, rup ndah lam ntŭr neh.

Ntoh ngơi ta ntơm ƀư lât ntơm ƀư Mpla nsơ, Thủ tướng Chính phủ Phạm Minh Chính an lah Mpla nsơ Mât njrăng bri dak lam ntŭr neh Việt Nam 2024 geh nkô̆ dŭt khlay, lah nău ƀư lam ntŭr neh ntoh lư đah nău mbơh “Đăp mpăn-Kan ndrel-Hun hao”, rgop ntrôl tâm nchră n’hanh kan ndrel mât njrăng bri dak ta lĕ rngôch ăp ntil nău; yor đăp mpăn, kan ndrel n’hanh hun hao ta nkual n’hanh lam ntŭr neh. Thủ tướng mĭn lah, Việt Nam ƀư tĭng trong hăn tâm nchră nău “đăp mpăn, ƀư tơm êng, tâm rgop ăp trong, tâm rgâl âk trong tâm boh, băl uĕh, kan ndrel nsing nơm đah lĕ rngôch ăp dak n’hanh nuĭh dŭt n’hâm, geh lĕ đah nău kan bah nsum mpôl lam ntŭr neh.