Rơh tât khâl bâh Thủ tướng chính phủ Phạm Minh Chính tât ta Romani rơh aơ lah nău kan tâm mbơh gâl kan bôk năp ta gâl Thủ tướng chính phủ đah 2 dak lôch 5 năm. Ta rơh tât khâl, Thủ tướng chính phủ Phạm Minh Chính geh ăp rơh 5tâm nchră, tâm ngơi đah Thủ tướng, Tổng thống, kruanh Thượng viện, kruanh Hạ viện Romani. Ndrel đah nĕ, Thủ tướng mbra tât khâl ăp ntŭk, ngih nti ĐH, râng rơh tâm mâp doanh nghiệp Việt Nam - Romani; geh vơt ndơn kan rmôt kan tâm rnglăp Romani - Việt Nam n’hanh tâm mâp cán bộ, nuĭh kan Đại sứ quán n’hanh ndơn kan ntŭk rêh jêng Việt Nam ta Romania. Rơh tât khâl gay ma ƀư kloh ueh tay lơn nău tâm boh tâm rnglăp tâm kơl kan way ơm n’hanh tâm kơl kan âk ding đah Việt Nam - Romania, njêng nău kan ntrôl tâm kơl kan 2 ding ta ăp trong kan nău dơi kan bâh Romania n’hanh tâm di đah nău uch hun hao bâh Việt Nam.

Ôi 21/1 (mông ta ntŭk), Thủ tướng Chính phủ Phạm Minh Chính lĕ khâl Viện nghiên cứu n’hanh hun hao tin học ngih dak Romania (ICI). Nkoch nău lap n’hanh mbah rhơn Thủ tướng Chính phủ Phạm Minh Chính-Kruanh Viện nghiên cứu n’hanh hun hao tin học ngih dak Romania (ICI) an gĭt, ICI geh nău ƀư khlay ntĭm nti nuĭh kan công nghệ thông tin; lĕ rgop nuih n’hâm an nău rgâl hao, hun hao bah Romania. Ăp nău nchrăp ƀư mĭn njêng n’hanh kơt dŏng công nghệ bah ICI mô knŭng  nsĭt tay âk trong rgâl mhe ma hôm rgop an nău uĕh ăp nuĭh n’hanh rgâl uĕh nău rệhz. Ntoh ngơi ta aơ, Thủ tướng Phạm Minh Chính an gĭt, Việt Nam lĕ ndâk njêng n’hanh mbơh ƀư nău rgâl mrô ngih dak; trong kan têh ngih dak mpeh mĭn njêng n’hanh hun hao, kơt dŏng nău mĭn kơl nuĭh; ndâk njêng ntŭk rgâl mhe mĭn njêng Ngih dak...; dăn đă Viện ICI Romania an Việt Nam lah du dak kơl lor tâm rnôk pơk hvi kan ndrel lam ntŭr neh, kơl Việt Nam ntĭm nti nuĭh kan uĕh tâm nău kan aơ.

Ta năp nĕ, Thủ tướng Phạm Minh Chính lĕ khâl jrô kan tăch rgâl n’hanh Công nghiệp n’gor Prahova n’hanh mâp cán bộ, nuĭh kan Đại sứ quán, nsum mpôl nuĭh Việt Nam ta Romania.