Tâm rnôk hăn khâl ngăn New Zealand, Thủ tướng Phạm Minh Chính hŏ ôp srĭng nău đah kruanh Quốc hội New Zealand Gerry Brownlee. Bar kruanh rđău kan tâm ban ŭch ndrel nsrôih njêng đăt ndal mhe tâm boh nuĭh kan n’hanh ntĭm  nti.

Thủ tướng Chính phủ Phạm Minh Chính dăn đă bar ding n’hao dăng tay tâm khâl nsum, lơn lah gưl têh; nta trong dơh an ăp ntil play kah khlay tâm lăp ntŭk tăch rgâl nsum kơt prit, chanh rse bah Việt Nam n’hanh kiwi, cherry bah New Zealand; n’hao dăng buăt nthoi nchuăn rdeng trong dak lêng, trong trôk; ntrŭt ntrôl tâm boh văn hóa, tâm nđŭr ƀon lan; ăp nhih pah kan njêng pháp luật bar dak ƀư tơm khlay tay tâm nău rdâk n’hanh ƀư jru hvi lơn đŏng tâm boh têh jong lam lĕ rngôch Việt Nam - New Zealand, tâm ôp nău tă ơm gĭt kan mpeh ăp nkô̆ nău têh bah neh dak, kan nsum ntrŭt ntrôl tĭng ƀư ăp nău tâm ton tâm boh hŏ ký ton đah bar dak./.