Ôi 24/1, ta Hà Nội, Thủ tướng Phạm Minh Chính ôp srĭng nău Tổng thống Đức Frank-Walter Steinmeier dôl khâl gưl ngih dak tât Việt Nam. Ta rơh ôp srĭng nău, Thủ tướng Phạm Minh Chính lah rjăp Việt Nam way ŭanh khlay ntŭk gŭ  kan têh bah Đức ta nkual n’hanh lam ntŭr neh.

Gay ntrôl dăng tâm boh bar ding dôl hun hao uĕh lăng, bar kruanh rđău kan hŏ  tâm ban ŭch n’hao âk mpôl tâm khâl ăp gưl, lơn lah gưl têh; kan nsum tay, tâm kơl nsum ta ăp ntŭk rgum nchră âk ding; tâm ban ŭch n’hao dăng ntrŭt nsôr doanh nghiệp Đức ntuh kơl tâm Việt Nam, lơn lah tâm ăp trong kan Đức săk geh âk kơt ŭnh nar, trong loih, ndơ dŏng  kan dak si, ntŭk ntô ndơ dŏng. Bar kruanh rđău kan tâm ban ŭch ntrôl dăng tâm boh ntĭm nti, hun hao tơm nuĭh kan săk blău âk, n’hao dăng rdâk njêng ăp trong tâm boh, rpaih  tâm boh tâm ăp trong kan ntĭm nti./.