Nar 21/7, Thủ tướng Phạm Minh Chính hăn ôp uănh rnoh ngăch ăp trong cao tốc Châu Đốc - Cần Thơ - Sóc Trăng n’hanh Cao Lãnh - An Hữu (Đồng Tháp). Ta ntŭk nchrăp ƀư trong cao tốc Châu Đốc - Cần Thơ - Sóc Trăng, Thủ tướng rnê âk nău nsrôih bah n’gor An Giang tâm pah kan đă ntrơn du, đăp mpăn tŏng ăp lŭ choih rdâk njêng, đă ƀư tâm tơh “3 tơ̆, 4 mpôl”.

 Thủ tướng đă ăp n’gor rgŏ jă công nhân, kan nsum lhăt đah Quân khu 9, Công an, Mặt trận Tổ quốc n’hanh ăp nsum mpôl đăp mpăn rnoh ngăch, nâp uĕh n’hanh geh nău dơi trong nchrăp. Ôp uănh trong n’glăp gâl bôk năp Cao Lãnh - An Hữu ta Đồng Tháp, Thủ tướng đă ntrôl ngăch rnoh ƀư gay mbluh njăr trong tâm kêng dŭt năm aơ. Nkre, rđău đă Bộ Tài chính ơm ƀư siƀŭt tâm pă tơm prăk, ăp nhih  pah kan geh tât njrăng n’gang tih djơh, mpŭng lir. Thủ tướng đă nuĭh ndranh ƀư n’hao âk ndeh rklư ndơ dŏng, nuĭh kan gay ntrôl ngăch ƀư.