Thủ tướng Chính phủ Phạm Minh Chính mhe geh rơh  pah kan đah Ban Thường vụ Tỉnh ủy Hòa Bình gay uănh năl lôch jêh geh tĭng ƀư nău dơn kan hun hao wăng sa- rêh jêng kon nuĭh ta ntŭk.

Lah n’glôch jêh rơh pah kan, Thủ tướng đă, let năp tay, Hòa Bình tĭng ƀư geh nău tam dăp rgum hŏ dơi uănh an dŏng, mât dŏng lĕ rngôch  nău săk geh mha êng, trong dơh ntoh lư, săk geh tâm rlong; tĭng ƀư nău mĭn, trong uănh rnoh tât hun hao; jêng ntŭk soih hun hao mhe, njêng rnoh khlay mhe. Mpeh ăp nău dơn kan, trong nkra rgum tơm Thủ tướng đă, Hòa Bình ân way rgâl mhe nău mĭn, uănh ngai hun hao, mât dŏng lĕ tơm săk geh tâm trôm, lơn lah ntik n’hao nău way ơm lịch sử, văn hóa; jêng ăp nkual suan ntrôl ƀư leo bôk hun hao. Hun hao ăp n’gâng kan suan ntrôl gay hun hao let năp tay, rgum tâm công nghiệp nkret njêng, công nghệ mhe; pâl nđaih bri dak, rlu rlău, thể thao, văn hóa săk ntơr…;tuch  tăm kloh uĕh, săk kah. N’hao dăng tay nău tam kan tâm rgop hun hao wăng sa, mât dŏng uĕh nău khlay kan buăt nthoi đah Tây Bắc đah Thủ đô Hà Nội, nkual đồng bằng sông Hồng.