Tĭng Thủ tướng, nău tâm kơl wăng sa, tăch rgâl, ntuh kơl, khoa học công nghệ, rgâl mhe mĭn kan...lah ăp nău kan tơm khlăy gay ma ntrôl tâm boh kan 2 dak tâm rơh mhe hun hao lĕ rngôch, geh lĕ n’hanh săk rnglăy lơn kơt Tổng Bí thư Nguyễn Phú Trọng n’hanh Tổng thống Hoa Kỳ Joe Biden ŭch.  Thủ tướng Phạm Minh Chính ŭch Hoa Kỳ lah nsum n’hanh ăp doanh nghiệp Hoa Kỳ lah êng ndrel đah Việt Nam ƀư tĭng nkô̆ nău mbơh nĕ, nkre lah tâm rdâng đah ăp nău ntul rlong geh nău kan lam ntur neh, lam ƀon lan, kơt: rgâl trôk nar mih sial, rnoh nuĭh ranh âk, nuh srê, si gle dak nor mô hôm geh...tâm rnôk Việt Nam hôm nha âk nău jêr jŏt yor tă geh âk năm tâm lơh tâm su, lah dak dôl hun hao, n’gâng kan wăng sa dôl rgâl mhe, nău pah kan wang sa mô hŏ âk, nău dơi tâm rdâng đah ăp nău tât bâh dak bah dih mô hŏ nă geh.

Ntoh ngơi nglôch lôch pah kan, Thủ tướng Phạm Minh Chính rnê âk n’hanh ryơk ăp nău tâm rgop bâh nuĭh leo kan doanh nghiệp bâh Hội đồng tăch rgâl Hoa Kỳ-ASEAN; Thủ tướng đă ăp n’gâng kan, ntŭk kan an geh mĭn uănh, geh gĭt n’hanh tâm rgop nău ơh, nta nău dơh nơih an ăp doanh nghiệp.