Tâm bôk nău hăn pah kan ta Vĩnh Long râng rơh kahgĭt 100 năm nar deh Thủ tướng Võ Văn Kiệt, kêng măng lơ 23/11, Thủ tướng chính phủ Phạm Minh Chính pah kan đah rnâng kan n’gor Ủy Vĩnh Long mpeh nău wăng sa- rêh jêng năm 2022, trong kan, nău kan năm 2023.

Ntoh ngơi nglôch lôch rơh pah kan Thủ tướng lĕ mbơh rblang na nê̆ mpeh nău dơi, ăp nău kŏ khan mô hŏ dơi, bâh nău nĕ Thủ tướng lĕ nchŏng mbơh na nê̆ nău ntĭm đă n’hanh ăp nău kan, trong kan tâm let năp tay. Tĭng nĕ Thủ tướng đă, n’gor Vĩnh Long an geh mât uănh tay, mbơh tơih ƀư tĭng an geh săk rnglăy Nghị quyết Đại hội 13 bâh Đảng, ngih quyết mbrô 13 bâh Trung ương mpeh hun hao wăng sa rêh jêng, mât đăp mpăn ngih dak, rnă njrăng nkual Đồng bằng sông cửu Long; Nghị quyết 120 bâh chính phủ mpeh hun hao nâp nâl Đồng bằng sông Cửu Long tâm di đah rgâl trôk nar mih sial n’hanh Nghị quyết Đại hội Đảng bộ n’gor. Dŏng, ƀư tĭng di nău ntrŭnh, nău kơl bâh Đảng, ngih dak n’hanh nău ntĭm leo kan bâh Chính phủ, Thủ tướng chính phủ.