Nkhêp di nkah gĭt 100 năm nar deh Thủ tướng Võ Văn Kiệt (23/11), kêng măng 22/11, Ủy viên Bộ Chính trị, Thủ tướng Chính phủ Phạm Minh Chính lĕ mpoh nhang ta Ntŭk nkah gĭt Thủ tướng Chính phủ Võ Văn Kiệt; khâl Ngih mpla nsơ “Vườn ông Sáu Dân” ta ntŭk nkah gĭt Thủ tướng Võ Văn Kiệt ta nkuăl Vũng Liêm, n’gor Vĩnh Long.

Thủ tướng Chính phủ Phạm Minh Chính mpoh nhang nkah gĭt 100 năm nar deh Thủ tướng Võ Văn Kiệt

Mpoh nhang bah năp drô phan Thủ tướng Võ Văn Kiệt, Thủ tướng Phạm Minh Chính n’hanh mpôl đại biểu nkoch nkah gĭt Thủ tướng Võ Văn Kiệt, kon nuĭh bah nău ƀư, janh mĭn, janh ƀư, janh trok dơn, ntrŭt nsôr mro n’hanh nchrăp nsơr săk an nău mhe, ŭch tĭng Thủ tướng Võ Văn Kiệt n’hao tay nuih n’hâm nău rêh cách mạng, dŭt n’hâm, lĕ soan rhŏ an neh dak, rhŏ an nuĭh ƀon lan, lĕ rngôch yor nău ŭch ƀon lan ndrŏng, neh dak dăng, ƀon lan ƀư tơm, tâm ban, uĕh lăng. Jêh ƀư mpoh nhang, Thủ tướng Chính phủ Phạm Minh Chính n’hanh mpôl đại biểu râng ƀư an dŏng tem bưu chính “Nkah gĭt 100 năm nar deh Thủ tướng Võ Văn Kiệt dơi ƀư ta ntŭk nkah gĭt Thủ tướng Võ Văn Kiệt.