Ôi 15/5, Bộ Khoa học n’hanh Công nghệ ƀư Lễ mbah rhơn Nar Khoa học n’hanh Công nghệ Việt Nam 18/5 n’hanh nkah ndray 65 năm njêng Bộ Khoa học n’hanh Công nghệ.Thủ tướng Chính phủ Phạm Minh Chính râng n’hanh lah ta rơh lễ.

65 năm aơ, ăp nău dơi mpeh Khoa học n’hanh Công nghệ n’hanh blău  njêng mhe hŏ an tay nău nkah tâm âk n’gâng kan, trong kan tơm khlay bah neh dak, jêng jâng nsing,  suan ntrôl an nău hun hao nâp dăng neh dak. Lah ta rơh lễ, Thủ tướng Phạm Minh Chính rnê âk n’hanh mbah rhơn ăp nuĭh tơm njêng, ăp nuĭh khoa học dơi nkhôm rnê năm  aơ; nkre, nchih nkah n’hanh rnê âk nău nsrôih, nău dơi hŏ geh n’hanh ăp nău rgop bah rmôt ăp nuĭh khoa học lah êng n’hanh n’gâng kan Khoa học n’hanh Công nghệ lah nsum an neh dak.  Thủ tướng ŭch rŏng  lah, nuih n’hâm gân djăng gŭ mĭn, n’glăp săk yor an Khoa học n’hanh Công nghệ bah ăp rơh kơn bah năp dơi rêng lam tay, ntik suan dăng  tâm rơh kơn mom ndăm, lơn lah rmôt nuĭh khoa học nar aơ n’hanh let năp tay.