Kêng măng 16/11, Thủ tướng Chính phủ Phạm Minh Chính râng nau nkah 120 năm nar ndâk Ngih săm ƀŭt Đại học Y Hà Nội (1902-2022) ndrel 40 năm nar Nai nti Việt Nam (1982-2022). Di rnôk nkah 40 năm nar nai nti Việt nam ndrel 120 năm nar ndâk ngih săm ƀŭt Đại học Y Hà Nội, ntoh măt rđau kan Đảng, Ngih dak, Thủ tướng Phạm Minh Chính hŏ njoăl tât ăp rơh rđau kan, cán bộ, giảng viên, nŭih nti, sinh viên Ngih săm ƀŭt Đại học Y Hà Nội ndrel ăp nŭih ntoh măt nau ôp khâl n’hâm soan ndrel nau rhơn ueh lăng ngăn.

Thủ tướng lah rjăp, rnôk aơ, nau ŭch mpeh dak si, mât chăm n’hâm soan bah ƀon lan nar lơn ma prêh, ngăn lah tâm rnôk dôl geh srê Covid-19 hôm tât jêr ndrel nau ntưp ntoh srê mhe hôm âk. Tâm rnôk ba lơ ndŏ luh nau kan ân ntŭk kan dak si lah nsum ndrel Ngih săm ƀŭt Đại học Y Hà Nội lah êng ndŏ luh ăp nau đă, nau kan jâk yơn kŏ geh nau dơi. N’hao nau nâp nâl ndrel bum dăp nau tâm rnglăp, tâm ban, ndâk Đảng bộ ndrel Ngih săm ƀŭt kloh, nâp, n’hao nau dơi rđau kan, n’hâm tâm lơh bah ăp ntŭk kan đảng ndrel đảng viên./.