Kêng măng 13/3, Thủ tướng Chính phủ Phạm Minh Chính râng nkah ndray 30  năm tâm boh Việt Nam – Ngân hàng Phát triển châu Á. Tâm 30 năm aơ, tâm boh Việt Nam n’hanh ADB mô rlu dơi rdâk nkah, hun hao; lơn lah nău ntop kơl năn ngăch, ngăn ngăn bah ADB an Việt Nam tâm rơh rdâng lơh tay nuh srê COVID-19, ntrŭt ntrôl dâk hao tay n’hanh hun hao wăng sa- rêh jêng kon nuĭh.

Thủ tướng Phạm Minh Chính lah rjăp, Chính phủ Việt Nam way uănh  ADB lah ngoăy tâm ăp băl tâm bon khlay, ngăn ngăn, nsing nơm; an gĭt lôch rlău 35 năm rgâl mhe,  Việt Nam mô hŏ tă săk geh, ntŭk gŭ  kan têh n’hanh nsing nơm dak bah dih kơt aƀaơ. Tâm nău dơi bah Việt Nam geh nău tâm boh, ntop kơl geh nău tam bah ADB. An lah, lôch 30 năm tâm boh Việt Nam – ADB nar lơn ma  têh jêng lơn mpeh ăp ntil, Thủ tướng dăn đă tâm rơh mhe, tâm boh Việt Nam – ADB ân geh rgâl  mhe, rgum an ntuh kơl hun hao, geh rgum  tơm lơn; trong tĭng, siƀŭt kan ân rgâl dơh glêh lơn; đah nău mĭn, trong ƀư  mhe lơn gay nsĭt tay nău dơi âk lơn./.