Ôi lơ 6/3 tĭng mông dak nê, Thủ tướng Phạm Minh Chính râng rƀŭn gưl prêh khlay di nkah 50 năm tâm boh ASEAN-Australia ta Melbourne, Australia. Ntoh nau tâm nar rƀŭn, Thủ tướng Phạm Minh Chính rnê Australia mbơh ntop 222,5 rkeh đôla Australia ân nau tâm boh đah ăp dak nkuăl dak me Mekong, ndâk tơm prăk rnoh 2 rmen đôla Australia ndrel nau blau ƀư mhe êng gay ntrŭt dăng tâm boh tăch rgâl ndrel ntuh kơl đah ăp dak ASEAN tâm rơh tât.

Tâm nchră tât nau nchrăp hun hao nau tâm boh tâm rơh tât, bar ding tâm ban nau lŏ nsôih njêng nau mhe tâm nau tâm boh văng sa, ngăn lah tăch rgâl ndrel ntuh kơl bah nau ntrŭnh ân săk tam nau ton dah rŏng tăch rgâl ASEAN-Australia-New Zealand mhe geh n’hao nkra ndrel nau tâm boh kan nsum văng sa lam nkuăl (RCEP); nkre tâm boh tâm ăp nau kan mhe kơt ntrơn mhe blau mhe, văng sa mrô, ntrơn rgâl ndrih, ŭnh nar, tăch rgâl điện tử, nthoi, leo ăp nau tâm boh kan nsum aơ jêng nau nsôih gay hun hao mhe ân nau tâm boh văng sa 2 ding./.