Ôi 10/7, ta Hà Nội, Ủy viên Bộ Chính trị, Thủ tướng Chính phủ Phạm Minh Chính, Ủy viên Thường vụ Quân ủy Trung ương râng tâm nchră Quân chính lam  mpôl tahen gay ŭanh năl pah kan rđău đă nău kan tahen, njrăng n’gang neh dak 6 khay bôk năm n’hanh an ƀư nău dơn kan 6 khay kêng dŭt năm 2024, tă bah Quân ủy Trung ương, Bộ Quốc phòng ƀư.

 Lah rjăp, n’gâng kan rdâk nâp dăng njrăng n’gang neh dak, mât njrăng nâp neh dak lah nău dơn kan chính trị tơm khlay, têh huêng bah Mpôl tahen he, dơi Đảng, Wa Hồ n’hanh ƀon lan jao an; dôl n’gluh ăp nău dăn đă dŭt mhe, dŭt jâk r’ah n’hanh dŭt n’gloh ang  tâm  rơh mhe đŏng, Thủ tướng Chính phủ Phạm Minh Chính lah rjăp Đảng, Ngih dak nsing nơm n’hanh ŭch rŏng cán bộ, tahen ntik n’hao tay săk tơm cách mạng, nău way ơm n’gloh ang bah tahen ƀon lan Việt Nam dăng janh; tâm rnglăp, rgâl mhe, dơn kan, nsrôih âk, ƀư lôch jêh uĕh ăp nău dơn kan dơi jao, di săk ntơ “tahen wa Hồ”, di đah nău ntĭm nti bah Wa Hồ: “Ăp ntil nău kan dơi wat jêh, ăp ntil jêr jŏt rlău dơi, ăp bu rkeh lơh dơi đŏng”; di đah nău nsing nơm, dêh rŏng bah Đảng, Ngih dak n’hanh ƀon lan./.