Kêng măng 1/7, ta thủ đô Seoul, Hàn Quốc, Thủ tướng Chính phủ Phạm Minh Chính hŏ râng rgum nchră tâm boh nuĭh kan Việt Nam – Hàn Quốc gay n’hao săk tam tâm boh nuĭh kan đah bar dak.

Lah ta rnôk tâm nchră, Thủ tướng Chính phủ Phạm Minh Chính mpơl n’hao rhơn bah  năp nău rŏng ngăn, nsing nơm, trong gŭ âm mbơh ngơi mpơl  nău uănh khlay, ntop kơl nsum đah ƀon lan bar dak, nkre an lah tâm boh Việt Nam – Hàn Quốc mô tŏ tă geh uĕh lăng kơt aƀaơ. Mpeh tâm  boh nuĭh kan, Thủ tướng an gĭt, lôch rlău 30 năm tâm boh, geh rnôk rdjuh thăng n’hanh đăt ndal, yơn an saơ nău ntoh măt nuĭh kan Việt Nam ta Hàn Quốc lah nău khlay, nuĭh kan Việt Nam di nuih n’hâm rnôk pah kan ta Hàn Quốc. Thủ tướng Phạm Minh Chính nsing nơm, đah nău nsrôih âk, nsrôih têh bah bar ding, nsing ta nău tâm boh têh jong lam lĕ rngôch Việt Nam - Hàn Quốc, tâm boh wăng sa, nuĭh kan mbra lah n’gâng tơm khlay tay tâm boh bar ding, nkre lah suan ntrôl gay ndơ̆ tâm boh đah bar dak hao têh mhe yor nău têh ndrŏng nsum.