Ntoh ngơi ta rơh lễ, Thủ tướng nchŏng na nê̆, Đảng, Ngih dak he dŭt mât uănh tât khoa học công nghệ n’hanh rgâl mhe mĭn kan, uănh aơ lah ngoăy tâm âk nău kan bâh ngih dak bôk năp an hun hao ngăch n’hanh nâp nâl. Thủ tướng lah na nê̆, rgâl mhe nău mĭn kan mhe geh nău khlăy ngăn tâm ăp nău pah kan bâh nău rêh jêng, tâm ăp n’gâng kan, ăp ntŭk kan bâh n’gâng kan wăng sa. Mpeh ăp trong kan, nău kan nsum bâh Thủ tướng lah na nê̆, an geh rgum ƀư lôch lĕ nău kan, nău kơl kan ntrŭt đă doanh nghiệp ntuh kơl ta khoa học công nghệ, rgâl mhe nău mĭn kan, mât đăp mpăn geh gĭt dăch đah ăp rnoh kan tơm prăk n’hanh ndơ dŏng khlay an hun hao. N’hao nău ntuh kơl hun hao ndơ dŏng ntung trong, ngăn lah ndơ dŏng nău nău hăn nsong, ŭnh nar, ndơ dŏng mpeh viễn thông, hun hao rnoh nuĭh kan gĭt blău