Tĭng nău mbơh bâh Thủ tướng, rơh rgâl mhe rnoh mbrô, hu hao Chính phủ rnoh mbrô, nău wăng sa rnoh mbrô, nău rêh jêng rnoh mbrô dôl jêng nău nsrôih gay ma hun hao mhe, geh njoat  mpơl na nê̆ nău kan tơm khlăy bâh hun hao an nâp nâl. Thủ tướng lah na nê̆, kơp bâh ntơm lăp kan ndrel ta ASEAN, Việt Nam geh uănh năl ASEAN lah nău an lor kan bôk năp tâm trong kan nchră nău đah dak bah dih. Ta meng ăp nău dơi ueh lĕ dơi geh, Thủ tướng an lah ASEAN an geh uănh năl na nê̆ ăp nău ntul rlong têh aƀaơ, ngăn lah nău tâm rlong ăp nar lơ ma têh dăng tâm trong kan công nghệ, rnoh mbrô n’hanh nău kan mhe. Ta năp nău ŭch nĕ, Thủ tướng đă ASEAN ntrôl nău kan rdâk njêng ăp nău kan rlong ƀư an công nghệ mhe, đah nău kan tăch rgâl mhe gay ma pơk hvi nău kan ta lam nkual, nkre lah na nê̆ hun hao nău blău kan kon nuĭh an geh ƀư ndrel đah nău mĭn ueh, sŏk kon nuĭh ƀư tơm, kơl an nău đăp mpăn, tâm kơl n’hanh hun hao nâp nâl.