Tâm rnôk hăn khâl ngăn Hungary bah Thủ tướng Chính phủ Phạm Minh Chính, lôch rơh wơt rgum, Thủ tướng Chính phủ Phạm Minh Chính hŏ geh rơh mâp êng n’hanh tâm nchră đah Thủ tướng Hungary Viktor Orban. Ta tâm nchră, Thủ tướng Phạm Minh Chính lah rjăp Việt Nam way uănh khlay n’hanh ŭch rŏng n’hao dăng tâm boh đah Hungary, băl tâm boh lam lĕ rngôch lor bôk năp bah Việt Nam ta Trung Đông Âu.

Bar Thủ tướng hŏ tâm ôp tâm rgâl jru hvi mpeh ăp trong rƀŏng têh n’hanh ăp trong nkra na nê̆ gay n’hao  tâm boh lam lĕ rngôch Việt Nam-Hungary hao prêh mhe.  Tâm  ôp mpeh ăp nkô̆ nău tâm nkual n’hanh lam ntŭr neh  ndrel uănh khlay, bar Thủ tướng lah rjăp nău ŭch tĭng trong nkra ăp nău tâm pit ma trong đăp mpăn, tâm di đah luật pháp dak bah dih n’hanh Hiến chương Liên hợp quốc, tâm nê geh nău mô dŏng suan lơh mô lah ntêt nkri dŏng suan lơh, đăp mpăn bah tâm lơh tâm  su, đăp mpăn n’hanh hun hao ta nkual n’hanh lam ntŭr neh./.