Ôi 1/7, ta thủ đô Seoul, Thủ tướng Chính phủ Phạm Minh Chính geh rơh tâm nchră đah kruanh rđău kan bơi 20 tập đoàn têh dâk bôk năp bah Hàn Quốc tâm ăp trong kan. N’glôch jêh rơh tâm nchră, Thủ tướng Phạm Minh Chính lah rjăp nău tâm boh bar dak mô hŏ tă geh uĕh lăng kơt aƀaơ ta  lĕ rngôch ăp trong kan dôl hun hao dŭt uĕh ngăn ngăn.

 Âk trong tâm boh wăng sa bar ding dơi pơk hvi tay. Rnê âk ăp nău rgop ta rnôk tâm nchră, Thủ tướng an gĭt way ŭch rŏng djăt, uănh khlay ăp nău rgop ngăn ngăn, sŏng dăng n’hanh mbra tâm nchră ăp nău dăn đă, nău blău tâm boh ngăn ngăn bah ăp tập đoàn, doanh nghiệp Hàn Quốc, tâm nê geh âk tập đoàn, doanh nghiệp hŏ ntuh kơl ta Việt Nam. Thủ tướng rhơn rnê, lah uĕh n’hanh ŭch rŏng ăp tập đoàn dâk bôk năp Hàn Quốc pơk hvi ntuh kơl tay, tâm boh đah Việt Nam, ndrel ntrŭt ntrôl “Ăp jâng nar chrat ang tâm boh mhe”, nsing ta trong tât kan geh nău têh  “lam ntŭr neh, lam lĕ rngôch, lam ƀon lan", rƀŏng tât nsĭt geh tăch rgâl bar ding 100 rmen USD tâm năm 2025 n’hanh 150 rmen USD tâm năm 2030.