Thủ tướng lĕ tât khâl du đê̆ doanh nghiệp ta nkual wăng sa Nhơn Hội n’hanh rgŏ jă ƀon lan ta xã Đề Gi, ndrâm ka Đề Gi, nkual gŭ mhe An Quan geh nău khuch bâh phŭt sial mbrô 13. Tât khâl ta nkual wăng sa Nhơn Hội, Thủ tướng đă n’gor mpôl kan, ndơ dŏng ngăch mât kuaih ueh ntŭk ntô tă mih sial, ndâk nsơm nău pah kan jan sa, tăch rgâl, đăp mpăn nău pah kan an nuĭh kan. Thủ tướng an gĭt lĕ ntĭm đă ngân hàng geh ăp rnoh manh, n’huch prăk kon kơl an doanh nghiệp bah ir geh nău khuch khat, n’gâng kan tơm prăk mĭn uănh geh ăp nău kơl kan n’huch thuế, prăk dŏng, nău nsrôih gay ma mât đăp mpăn nău rêh jêng bâh nuĭh pah kan. Geh sŏng dăng tât ôp khâl ăp rnăk geh nău khuch khat bâh dak lêng hao têh, nău khuch khat ta xã Đề Gi, Thủ tưóng đă  mât kuaih kloh, nkra tay ngih jay, ngăn lah an geh mât đăp mpăn nău rêh an ƀon lan, ndâk nsơm nău pah kan tăch rgâl, kơl an ƀon lan prăk kan, prăk kon, pă an tơm ntil kon rong, ngăn lah rong tui. Thủ tướng ŭch ƀon lan an geh n’hao nău kan êng, nău nsrôih, rlet rlău nău jêr, hun hao tâm nău rêh. Di rơh kahgĭt 95 năm nar way ơm Mặt trận dân tộc thống nhất Việt Nam, aƀaơ lah Mặt trận tổ quốc Việt Nam, Thủ tướng Phạm Minh Chính râng nar tâm mâp tâm rnglăp lĕ mpôl rnoi đah ƀon lan ta nkual ƀon lan gŭ Thắng Kiên, xã Đề Gi, n’gor Gia Lai. Lah na nê̆ nău kan rdâk njêng, ndâk nsơm nău tâm rnglăp, rgŏ jă ƀon lan tâm pêt tâm kơl rlet rlău nău jêr jŏt, Thủ tướng an gĭt “ngih dak ndrel mât kơl, ta ntŭk ndrel kơl an, ƀon lan ndrel pah kan”, nsum tin ndrel pah kan, ndâk nsơm nău jêr jŏt, ntul rlong, n’hao ăp nău dơi geh, dơn nău rhơn, nău ueh đăp mpăn. kêng nar ndrel nar, Thủ tướng Phạm Minh Chính lĕ tât khâl, pah kan đah tahen mât rnă njrăng n’har bri n’gor Gia Lai.