Kêng măng 19/3, Thủ tướng Phạm Minh Chính vơt nŭih kan ntoh măt bah Lào ndrel ntoh măt Hàn Quốc di rnôk 2 nŭih kan ndơn nau kan ta Việt Nam. Vơt wa Khamphao Erthavanh, Nŭih kan ntoh măt bah Lào ta Việt Nam, Thủ tướng Phạm Minh Chính lah rjăp, Việt Nam ndrel Lào geh nau tâm boh kan nsum khlay, lah drăp ndơ khlay ma ăp nŭih ƀon lan bar dak geh nau dơi mât, mô rlu bun dăp ndrel hun hao. Thủ tướng ŭch ntŭk n’gâng kan bar dak tâm rgop ueh tay, nsôih ngăn ăp nau nkol gay leo tâm boh văng sa, tăch rgâl, ntuh kơl.

Kŏ tâm kêng măng 19/3, Thủ tướng Phạm Minh Chính hŏ vơt nŭih ntoh măt bah Hàn Quốc ta Việt Nam Choi Young Sam di rnôk ƀư kan ta Việt Nam. Thủ tướng đă bar ding lŏ ntrŭt dăng tâm boh hun hao nâp tĭng nau tâm ban, nâp nâl, bonh đă ăp ntŭk kan tăch rgâl bah Hàn Quốc lŏ pơk hvi nau tâm boh ntuh kơl, tâm nê uănh khlay nau kan Hàn Quốc geh nau dăng kơt công nghiệp, văn hoá, điện tử, pâng tàu ndrel ăp nau kan mhe ntoh kơt lah chất bán dẫn./.