Ta ăp rơh tâm mâp, Thủ tướng Chính phủ Phạm Minh Chính rnê âk nău pah kan ntuh kơl tăch rgâl an săk rnglăy bâh Tập đoàn, rnê ăp tập đoàn lĕ n’hanh dôl geh nău nchrăp ntuh kơl ta Việt Nam, đă ăp Tập đoàn tâm rnôk mĭn uănh mbơh tơih ăp nău nchrăp tâm kơl kan na nê̆, tâm rgop na nê̆ đah ăp n’gâng kan, ăp doanh nghiệp Việt Nam n’hanh ăp dak kan ndrel geh tât mbơh tơih ăp nău pah kan tĭng di nău ntrŭnh, dŏng công nghệ ueh mhe, n’hao nău kơl an, rgâl mhe công nghệ, ndơ̆ ăp doanh nghiệp Việt Nam tât râng na nê̆ lơn ta rnoh pă an lam ntur neh.

Thủ tướng an git, Việt Nam ton mbra nta ăp nău dơh nơih gay ma Tập đoàn ntuh kơl tăch rgâl an săk rnglăy, nâp nâp ta Việt Nam, way geh mât nău dơi, nău geh ueh tâm di, hợp pháp bâh ăp nuĭh ntuh kơl.