Kêng măng 21/6, Thủ tướng Chính phủ Phạm Minh Chính hŏ vơt rmôt kan Đoàn Điều IV, Tơm prăk lam ntur neh (IMF) yor wa Paulo Medas ƀư tơm rmôt kan dôl khâl, pah kan ta Việt Nam. Rhơn rmôt kan bah IMF tât Việt Nam ndrel pah kan ta Việt Nam, Thủ tướng Phạm Minh Chính rnơm lah, bah ăp nau pah kan đah ăp ntŭk kan, rmôt kan geh tât bah Việt Nam.

Rmôt kan hŏ geh âk nau nkoch tât nau kan văng sa, rêh jêng bah Việt Nam năm 2023 ndrel ăp khay bôk năm 2024. Kruanh rmôt kan Đoàn Điều IV bah IMF đă Việt Nam ân lŏ ƀư ân jêh nau kan, njêng ntŭk kan tăch rgâl ân kloh, n’hao nau mât, njrăng rdâng sa khâm; n’hong trong nkol nau rgum ntuh kơl, ngăn lah tâm nau kan hun hao ntŭk ntu, ŭnh nar ndâk tay...

Lah ueh nau kơl an bah IMF lŏ nkoch mbơh nau, nkah ăp nau kan, nchrăp tât nau mpŏng văng sa lam ntur neh, geh tât nau kan văng sa nkuăl ndrel mbơh ăp nau kan rđau kan ân Việt Nam, n’hao nau tâm boh, tâm kơl nau kan ndrle ntĭm nti tâm nau kan mât văng sa, mât tơm prăk, kơl an tơm prăk, pơk hvi tâm boh, ntĭm nti nau kan ân Việt Nam gay n’hao nau dơi tâm rnglăp đah lam ntur neh./.