Kêng măng 19/6, Thủ tướng Phạm Minh Chính vơt Tổng Giám đốc rmôt kan ŭnh nar ndrak nsiu neh dak Liên bang Nga (Rosatom) dôl pah kan ta Việt Nam di rnôk khâl bah Tổng thống Liên bang Nga Vladimir Putin. Tâm nar vơt, Thủ tướng đă bar ding lŏ ntrŭt dăng nau tâm boh tâm nau kan mĭn njêng khoa học nau kan ndrak nsiu nar lơn ma hăn tâm nau ngăn, săk tam lơn, yor nkô̆ nau đăp mpăn, ngăn lah nau đăp mpăn ŭnh nar, kơl an ƀon lan, đah nau nchrăp tâm boh ăp ntil, jŏ jong ndrel ăp nau kan n’hêl ngăn, nkre rhuăt luh nau blau, tă bah nê, pơk luh ăp nau kan ngăn kơt công nghiệp, tuch tăm, dak si, nchuăn rdeng.

Tổng Giám đốc rmôt kan ŭnh nar ndrak nsiu neh dak Nga lah rjăp tâm nau dơi ueh, mpeh Nga ndrel Rosatom ŭch lŏ ntrŭt dăng nau tâm boh ma Việt Nam tâm nau kan Thủ tướng hŏ nkah, ngăn lah nau mĭn kan khoa học ndrak nsiu ndrel ăp nau kan êng, kơt hun hao ŭnh nar sial, mra tâm mbơh nau, kơl an Việt Nam n’hao nau blau, ntĭm nti nŭih kan, ntrŭt dăng nau ƀư ueh tâm nau kan aơ./.