Kêng măng lơ 6/10, Thủ tướng Phạm Minh Chính vơt wa Attilio Fontana, Kruanh nkuăl Lombardy, Italia ndrel rmôt kan bah nkuăl đah ntoh măt tâm nau kan văng sa, công nghiệp ndrel ntĭm nti đại học dôl geh rơh khâl ndrel pah kan ta Việt Nam. Tâm nar vơt, Thủ tướng lah rjăp, Việt Nam uănh khlay ndrel ntrŭnh nau ntrŭt dăng, ƀư jru lơn tay nau tâm boh kan nsum Việt Nam-Italy, rhơn ndơn saơ nau tâm boh bar dak lơn ma jru, đah âk nau dơi ueh tâm âk nau kan.

Tâm ban đah ăp nau đă bah wa Attilio Gontana, Thủ tướng đă bar ding lŏ ntrŭt dăng nau tâm boh văng sa, tăch rgâl bar ding tâm nau ƀư ueh ăp nau tâm ban ndrel tâm kơl, Italy ntrŭt dăng pơk mpông ntŭk tăch đah ăp ntil ndơ Italy geh nau ŭch ndrel Việt Nam geh nau dăng kơt tanh jĭng, ntô jot, ndơ tuch tăm, tui kan, n’hao nau tâm nchră rmôt ƀư nau kan tăch rgâl, ndăn ueh nau tâm ton EVFTA ndrel ân ƀư nau tâm boh kơl an ntuh kơl Việt Nam-EU (EVIPA)./.