Ta ngih Chính phủ, Thủ tướng chính phủ Phạm Minh Chính wơt Ủy viên Bộ Chính trị, Bí thư trung ương Đảng, Chủ nhiệm Ban Kiểm tra Trung ương, Kruanh Mpôl njrăng n’gang sa khâm Trung ương, Tổng Thanh tra Ngih dak Lào Khamphan Phommathat n’hanh Mpôl đại biểu gưl prêh Ban Kiểm tra Trung ương, Thanh tra Ngih dak Lào dôl khâl, pah kan ta Việt Nam.

Ta nar wơt, 2 ding dôl nsrôih mbơh ƀư rjăp ăp tâm ton bah kruanh gưl prêh, trong nchrăp kan ndrel đah 2 chính phủ năm 2024, ăp nău mbơh nsum, săk rnglăy ăp rơh khâl, pah kan đah kruanh gưl prêh 2 dak, tâm nĕ mât tâm rgâl ăp mpôl ăp gưl. Thủ tướng Chính phủ đă năm tât, Ngih pah kan uănh nđôi Đảng, Thanh tra Ngih dak 2 dak an tâm rgop ndâk njêng trong nchrăp mbơh ƀư săk rnglăy ăp tâm ton gưl prêh, ăp trong ƀư kan ndrel lĕ geh, săk rnglăy Rơh rƀŭn 46 ủy ban 2 Chính phủ Việt Nam-Lào, tâm nĕ ntrôl hun hao kan ndrel wăng sa mpông n’har bri, ntrôl ăp nău nchrăp ƀư boăt nthoi ntung trong, boăt nthoi tăch rgâl, boăt nthoi ăp jâng wăng sa kơt ndrâm dak lêng Vũng Áng, trong cao tốc Hà Nội-Vientiane, trong ndeh treng Vientiane-Vũng Áng.