Kêng măng nđaơ, ta Ngih Chính phủ, Thủ tướng Chính phủ Phạm Minh Chính lĕ wơt Kruanh Liên đoàn ăp Hiệp hội jao dơn nchoăt rdêng  Lam ntŭr neh (FIATA) wa Turgut Erkeskin dôl khâl, pah kan ta Việt Nam. Ta nar wơt, Thủ tướng Phạm Minh Chính uănh lah prêh FIATA lĕ ntop kơl Hiệp hội Doanh nghiệp rhŏ an logistics Việt Nam rdâk ƀư Đại hội lam ntŭr neh FIATA tâm năm 2025.

An gĭt aƀaơ, Chính phủ Việt Nam dôl mbơh ndâk ƀư trong kan hun hao rhŏ an logistics Việt Nam năm 2025-2035, uănh tât năm 2045, Thủ tướng đă FIATA tâm pă tay nău mbơh, mbơh ntĭm, ntop kơl mpeh rgâl mrô n’hanh rgâl uĕh kloh, uănh khlay ăp trong mkra hun hao logistics lŏ mir, công nghiệp, hun hao rmôt duk mpan dak lêng Việt Nam, ăp trong wăng sa tăch rgâl-nchoăn rdêng n’hanh ntop kơl kỹ thuật an Việt Nam ơm jêh trong kan têh lam dak mpeh hun hao rhŏ an logistics tâm năm 2024.