Kêng măng (18/12), ta Ngih Chính phủ, Thủ tướng Chính phủ Phạm Minh Chính lĕ wơt Kruanh N’gâng kan tâm rnglăp nchră nău Lào Thongsavanh Phomvihane, dôl khâl Việt Nam n’hanh ndrel ƀư tơm râng tâm ôp Chính trị ăp năm gưl Kruanh n’gâng kan tâm rnglăp nchră nău rơh tal 12.

Thủ tướng Phạm Minh Chính mĭn lah Việt Nam uănh khlay mro n’hanh an lor âk ngăn nău tâm boh khlay Việt Nam-Lào n’hanh mbra ntop kơl tay Lào ndâk njêng jâng wăng sa đăp mpăn, ƀư tơm êng, hun hao nuĭh kan uĕh blău; nkre dăn đă 2 ding n’hao boăt nthoi đah jâng wăng sa, tâm rgop n’hanh tâm pă nău blău ơm hun hao, yor nău geh ngăn ngên bah nuĭh ƀon lan 2 dak. Thủ tướng uănh lah prêh nău kan ndrel ăp Tâm ton kan ndrel đah nkô̆ nău âk, ngăn ngên, rgop khlay tâm nău mât n’hanh hun hao tâm boh khlay đah 2 Đảng, 2 Ngih dak n’hanh nuĭh ƀon lan 2 dak Việt Nam Lào.