Tâm bôk nău kan khâl na nê̆ Australia, kêng măng 7/3 mông ta ntŭk, Thủ tướng Chính phủ Phạm Minh Chính lĕ wơt wa Sharon  Claydon, Groi Kruanh Hạ viện, Kruanh Rmôt Nghị sĩ hữu nghị Australia-Việt Nam n’hanh ăp nuĭh kan ndrel.

Ta nar wơt, Thủ tướng Phạm Minh Chính ryơk lah uĕh wơt dŭt n’hâm, ryơk n’hanh răm m’ak ma Rmôt Nghị sĩ hữu nghị lah êng, Chính phủ n’hanh nuĭh ƀon lan Australia lah nsum lĕ an Mpôl đại biểu Chính phủ Việt Nam.

Thủ tướng uănh lah prêh tâm boh kan ndrel đah Quốc hội Việt Nam n’hanh Nghị viện Australia, kơt Rmôt Nghị sĩ hữu nghị 2 dak dơi hao, đah ăp nău ƀư tâm nđŭr, nti nsơm, ntop kơl, tâm pă ndrel, ngăn lah ntrôl tâm nđŭr nghị sĩ mom, nghị sĩ bu ur... Thủ tướng Chính phủ đă Nghị viên 2 dak tâm rgop na nĕ tay ăp tâm ton ma 2 ding lĕ ký ton; kơl n’hanh groi nđôi nău ƀư tĭng ăp tâm ton đah Chính phủ 2 dak, tâm rgop tâm boh kan ndrel têh lĕ rngôch Việt Nam-Austrlia ngăn ngên, săk rnglăy.