VOV4.M’nông – Kêng măng 3/10, Thủ tướng Phạm Minh Chính wơt wa Era Dabla-Norris, Kruanh mpôl groi nđôi bah Tơm prăk nkrem lam ntŭr neh (IMF) mpeh wăng sa têh n’hanh prăk kaih, prăk dak bah dih bah ăp dak kan ndrel dôl geh rơh khâl n’hanh pah kan ta Việt Nam. Thủ tướng lah uĕh ăp nău ntop kơl khlay IMF an Việt Nam bah âk năm bôk năp hun hao tât aƀaơ, rnôk dăch aơ mpeh mbơh ntĭm nău kơl, ntop an kỹ thuật n’hanh ntĭm nti nuĭh kan, lơn lah ăp nău mbơh rblang, uănh lah n’hanh ntrut đă an ăp nău kan mât uănh wăng sa tâm rnôk srê Covid-19. Tâm rgâl mpeh nu nău wăng sa Việt Nam, Thủ tướng an gĭt, ndrel đah nău uănh nđôi tay srê Covid-19, jêng wăng sa Việt Nam mât đăp mpăn n’hanh rdâk hao uĕh. Trong kan ƀĭt joet bah Chính phủ Việt Nam dôl dơi ƀư du trong nchrăp lor, nâp nâl, ngăch, ơm, Thủ tướng đă IMF kơl lor an Việt Nam du dak dôl hun hao; n’hao nău mbơh ntĭm nău kan an chính phủ n’hanh ăp ngih pah kan mpeh ƀĭt joet wăng sa, rdâng đah rnôk mâp hao aƀaơ; pă tay ăp bôk nău kan ntĭm nti, ntop kơl kỹ thuật an ăp nău kan mât uănh wăng sa; nsrôih ntop kơl Việt Nam hun hao wăng sa uĕh nđĭr, tâm di đah rgâl trôk nar n’hanh rgâl mrô...

VOV.VN/ Nuĭh rblang: Y Sưng Phê Ja