Kêng măng nđaơ (16/12), ta Ngih Chính phủ, Thủ tướng Chính phủ Phạm Minh Chính wơt wa Fukuda Tomikazu, Thống đốc n’gor Tochigi, Nhật Bản n’hanh mpôl pah kan dôl khâl, pah kan ta Việt Nam.

Mbơh mpeh ăp nău rƀŏng n’hanh ăp trong mkra hun hao ndơ̆ neh dak bah Việt Nam tâm rach năm mhe, Thủ tướng mpŏng ŭch Nhật Bản lah nsum n’hanh n’gâng kan ƀon lan n’gor Tochigi, kơt Thống đốc Fukuda kơl tay, kan ndrel đah Việt Nam. Thủ tướng đă n’gor Tochigi uănh kơl tay, ntrŭt đă, ntrôl ăp doanh nghiệp pơk hvi ntuh kơl an Việt Nam tâm ăp ntil nău ma n’gor geh âk; n’hao kan ndrel, ntĭm nti nuĭh kan; nta an nơih n’hanh geh âk tay nău kơl ngăn ngên an nsum mpôl 9.000 nuĭh Việt Nam gŭ rêh, nti n’hanh pah kan ta n’gor.