Ta Davos, Thụy Sĩ, Thủ tướng Chính phủ Phạm Minh Chính leo mpôl ntơh măt gưl têh Chính phủ Việt Nam râng n’hanh lah ta rơh tâm dâl nău  têh jong neh dak Việt Nam n’hanh rgum nchră wăng sa lam ntŭr neh (WEF) đah nkô̆: “Jâng chrat hun hao mhe: Ntrŭt ntrôl rgâl, pơk luh ăp suan ntrôl hun hao mhe ta Việt Nam”.

Lah ta rnôk tâm nchră, Thủ tướng Phạm Minh Chính rnê âk nkô̆ bah tâm dâl nău têh jong tâm rnôk lam ntŭr neh geh âk jêr jŏt, ntul rlong; lah uĕh nău ntoh măt bah ăp băl tâm boh ta rnôk tâm dâl nău, bah nê ndrel Việt Nam rdâk tay nău nsing nơm, rêng nău nđơr, suan ntrôl gay tâm boh jru hvi, geh nău tam lơn. Thủ tướng lah rjăp rgâl, joi n’hanh nta trong dơh ăp suan ntrôl hun hao mhe lah trong rƀŏng di n’hanh khlay ngăn bah lam ntŭr neh aƀaơ; mô geh du dak, du jâng wăng sa, lah nha hôm mât nău mĭn kơt ơm, dơn nsing tâm ăp suan ntrôl hun hao way ơm, mbra hun hao ngăch n’hanh nâp dăng./.