Tâm rnôk hăn khâl ngăn Hàn Quốc, nar 3/7, ta Seoul, Thủ tướng Phạm Minh Chính râng nkah ndray 30 năm Vietnam Airlines pơk trong mpăr sŏng n’hanh wơt năch tâl 15 rkeh đah Việt Nam - Hàn Quốc. Đah aƀaơ 30 năm, ăp trong mpăr bah Hãng hàng không neh dak Việt Nam hŏ mpăr bah nkual ƀon têh Hồ Chí Minh tât Thủ đô Seoul, Hàn Quốc.

Tât aƀaơ, hãng dôl dŏng 6 trong mpăr sŏng lah Hà Nội, nkual ƀon têh Hồ Chí Minh - Seoul; Hà Nội, nkual ƀon têh Hồ Chí Minh - Busan; Đà Nẵng - Seoul n’hanh Cam Ranh - Seoul, đah rĭng âk hao tât 112 bôk ăp pơh. Lah ta nar nkah ndray, Thủ tướng Phạm Minh Chính lah rjăp lôch rlău 30 năm njêng, tâm boh Việt Nam – Hàn Quốc hun hao uĕh lăng, lah băl tâm boh têh jong lam lĕ rngôch, đah 5 ntŭk ntoh lư: nsing nơm mpeh chính trị âk, nkre đah kon nuĭh, lăp rgum mpeh wăng sa, bơi tâm ban mpeh văn hóa, ndrel nsum nău nđơr geh rdâk njêng neh dak têh ndrŏng, kuâng dăng, nuĭh ƀon lan rhơn răm.