Ntŭk kan kơl an Australia-Việt Nam ntoh lư gay ma mĭn uănh n’hanh nchŏng gĭt na nê̆ lơn mpeh nău tâm boh kan tơm khlăy bâh Australia n’hanh Việt Nam; ntop an geh săk rnglăy nău kan “Ntrong kan wăng sa Đông Nam Á tât năm 2040” bâh Australia.  

Thủ tướng Chinh phủ Phạm Minh Chính rnê âk nău njêng ntŭk kơl kan Australia -Việt Nam, knơm ntŭk kan mbra tât râng ta nău mbơh rnoh trong kan kơl an chính phủ 2 dak, gay ma ntrôl an hun hao n’hanh n’hao nău ueh dơi tâm boh kan 2 dak ăp nar lơ ma lăp jru lơn, na nê̆ lơn, săk rnglăy lơn ta lĕ rngôch ăp trong kan, yor nău hun hao bâh ăp dak, yor ƀon lan 2 dak n’hanh yor nău đăp mpăn, tâm kơl, hun hao ta nkual n’hanh lam ntur neh.