Ta rơh rƀŭn nchră, ndơn kan an chính phủ, Thủ tướng Phạm Minh Chính rnê âk, rhơn mpôl kan mât njrăng nuĭh tih mpeh ma túy lĕ tâm rdâng dơi lôch 3 nău tih 322D, 822T, 922T n’hanh mpeh ăp nău geh khlăy dơi geh tâm ba năp nơh, ntop mât rnă njrăng, đăp mpăn lĕ ntŭk rêh jêng, kơl an geh săk rnglăy nău kan hun hao wăng sa, rêh jêng, văn hóa

tâm let năp tay, Thủ tướng đă, an geh gĭt na nê̆ nău kan ƀư ueh nău kan mbơh tơih đah gâl ủy, n’gâng kan ăp gâl an geh n’hao nău leo kan, ntĭm đă ƀư tĭng geh săk rnglăy ăp nău ntrŭnh, nghị quyết bâh Đảng, QH, chính phủ, pháp luật, trong kan, bôk nău kan mpeh njrăng, rdâng ma túy, rgum lĕ soan kan bâh lĕ trong kan chính trị n’hah lĕ ƀon lan tât râng nău kan njrăng, rdâng đah ma túy.