Kêng măng 14/01, Thủ tướng Phạm Minh Chính ƀư tơm rơh hop tâl prao bah Ban rđău đă gưl neh dak an ƀư nău ton bah Việt Nam ta Tâm nchră COP26. N’glôch jêh rơh hop, Thủ tướng lah rjăp nău Việt Nam n’gluh ăp nău ton dăng ta COP26, tâm nê geh tât rnoh mô hôm n’gluh n’huk djơh tâm năm 2050, lah nău n’glêh an di, mpơl nău dơn kan âk đah nsum mpôl lam ntŭr neh n’hanh yor an nău hun hao jŏ jong bah neh dak.

Thủ tướng rnê âk nuih n’hâm nchrăp lor, răp jăp n’hanh nău nsrôih bah ăp n’gâng kan, ăp n’gor, nsum mpôl doanh nghiệp n’hanh nuĭh ƀon lan tâm nău an ƀư nău dơn kan ndơ̆ luh. Tĭng Thủ tướng, tĭng ƀư rnoh tât mô hôm n’gluh n’huk lah ntul rlong têh yơn nkre pơk luh trong gay dăp rgum tay jâng wăng sa tĭng trong rƀŏng nđĭr uĕh, jŏ jong, n’hao nău dơi mât ƀư êng n’hanh nău dơi tâm rlong. Rdâng lơh đah rgâl trôk nar lah nău kan ân dơi ƀư, tâm nê nuĭh ƀon lan n’hanh doanh nghiệp nkre lah ntŭk rgum tơm, nkre lah tơm mpôl, râng na nê̆ n’hanh tĭng ƀư ăp tŏng nău dơn kan bah he.