Ntoh ngơi ta năp báo chí, Thủ tướng Phạm Minh Chính lah na nê̆ Việt Nam way uănh khlăy tâm kơl kan đah New Zealand, du dak ka ndrel dŭt khlăy bâh Việt Nam ta nkual Nam Thái Bình Dương, nkre  tă du dak kan ndrel tơm khlăy bâh ASEAN.

Thủ tướng an gĭt, ta rơh tâm nchră, bar ding lĕ uănh nđôi lĕ rgôch ăp nău kan tâm kơl đah 2 dak n’hanh rhơn saơ nău tâm boh kan ueh bâh Việt Nam- New Zealand dôl hun hao ueh n’hanh săk rnglăy, ngăn lah, tăch rgâl bar ding hao mbro. Bar hê thủ tướng lĕ dăn đă ngluh mbơh âk trong kan gay ma ndơ nău tâm boh kan ndrel Việt Nam- New Zealand hun hao tay nâp dăng, têh ueh khlăy lơn tay tâm let năp tay, yor nău geh nsum bâh âk dak, ntop ta nău đăp mpăn, ueh lăng, hun hao n’hanh tâm kơl hun hao ta châu Á- Thái Bình Dương.