Kêng măng 17/7, ta ntŭk kan Chính phủ, Thủ tướng Phạm Minh Chính vơt wa Thomas Vallely, Giám đốc ơm Bôk nau kan Việt Nam tâm Đại học Harvard (Hoa Kỳ), rnôk aơ dôl ƀư Kruanh Hội đồng Tín thác Đại học Fulbright ndrel ăp nŭih kan tâm Đại học Fulbright. Thủ tướng Phạm Minh Chính lah ueh, rnê prêh wa Thomas Vallely hŏ geh âk nau rgop khlay, ngăn lah tâm nau kan ntĭm nti ndrel tâm nchră nau kan, rgop nau leo săk tam tâm nau rđau văng sa ndrel ƀư nâp, ntrŭt dăng nau tâm boh Việt Nam-Hoa Kỳ.

Thủ tướng đă Giáo sư Thomas Vallely ndrel ăp nŭih kan lŏ kơl an Việt Nam tâm nau blau mbơh nau kan, jao nau kan, ntĭm nti ân nŭih kan, nkoch mbơh nau blau mât kan; jao cán bộ, ntŭk kan ndrel nkuăl ƀon têh Hồ Chí Minh dŏng ngăn ăp nau kan, pơk trong nơih ân ăp dak, nŭih ntuh kơl lah nsum ndrel Đại học Fulbright Việt Nam lah êng pah kan, hun hao tâm nau ryơk tĭng pháp luật./.