VOV4.M’nông: Kêng măng 28/9, Thủ tướng Phạm Minh Chính vơt wa Charles Kaye, Tổng giám đốc lam ntur neh tơm prăk ntuh kơl Warburg Pincus (Hoa Kỳ). Thủ tướng rnê prêh nau tâm boh kan nsum Việt Nam-Hoa Kỳ lŏ hun hao, nau kan tăch rgâl bah bar ding lŏ mât nau hun hao ueh, geh bơi tât 87 rmen đôla tâm 8 khay bôk năm 2022, hao nklăp 20% rđil đah rơh aơ năm 2021. Hoa Kỳ lŏ lah ntŭk geh tăch luh ndoh ndơ âk ngăn bah Việt Nam, tâm rnôk Việt Nam jêng dak tăch rgâl têh tal 9 bah Hoa Kỳ tâm lam ntur neh ndrel lah dak têh ngăn tâm ASEAN.

Thủ tướng đă Warburg Pincus đah ntrong dơi geh âk năch rvăt ndơ bah lam ntur neh lŏ lah ntung njŏ gay leo ăp tơm ntuh kơl Hoa Kỳ lah êng ndrel dak ba dih lah nsum tât ntuh kơl tâm Việt Nam; nkre lŏ pơk hvi nau hun hao tay ăp nau kan tăch rgâl mhe, ngăn lah tâm nau kan ŭnh nar nkra dŏng tay hun hao nau kan công nghiệp ndơ dŏng ŭnh nar dŏng tay ndrel râng ueh tâm nau rgop nau, mbơh nau kơl an bah Việt Nam./.

Nŭih rblang: H’Thi