Kêng măng nar 24/6, ta nkual ƀon têh Đại Liên, tâm nar hăn pah kan ta Trung Quốc, Thủ tướng Phạm Minh Chính hŏ wơt wa Tôn Vinh Khôn, Kruanh Hội đồng quản trị Công ty TNHH Bôk máy n’hanh kuk ndeh treng Đại Liên n’hanh wa Vương Tiểu Quân, Groi kruanh Tập đoàn Rdâk njêng Điện lực Trung Quốc (PowerChina). 

Ta rơh wơt, Thủ tướng Phạm Minh Chính rnê âk ăp  nău dơi bah Công ty TNHH Bôk máy n’hanh kuk ndeh treng Đại Liên n’hanh an lah ta jâng nsing tâm boh chính trị dŭt uĕh lăng, Việt Nam n’hanh Trung Quốc ân ntrôl dăng lơn đŏng tâm boh,  buăt nthoi bar jâng wăng sa, tâm nê geh trong loih – aơ lah trong kan ma Việt Nam geh nău ŭch khlay n’hanh jăch ndăn tâm rơh aƀaơ. Tâm nê, bar ding hŏ tâm ban ŭch nthoi trong loih nduang dah găp hăn rlău n’har bri, ăp trong loih nduang dah găp Lào Cai - Hà Nội - Hải Phòng, Đồng Đăng - Hà Nội, Móng Cái - Hạ Long - Hải Phòng- aơ lah njăr trong khlay gay ntrŭt ntrôl tâm boh wăng sa, tăch rgâl bar ding.