Thượng tướng Nguyễn Tân Cương lah na nê̆, nău tâm kơl mât rnă njrăng ngih dak đah 2 dak tâm ba năp nơh lĕ geh hun hao tay na nê̆, săk rnglăy, ntoh lư ta ăp trong kan kơt: mbơh tơih têh hvi nău kan Nghị định thư n’hanh nău nchrăp kan tâm kơl kan ăp năm đah 2 n’gâng kan mât rnă njrăng, tâm nkoch nău gĭt vât nsum mpeh ăp nău ta ăp trong kan, ntĭm nti nuĭh kan, tâm kơl mât uănh, mât n’har bri, kơl ƀon lan nkual n’har bri hun hao wăng sa- rêh jêng, tâm rgop, kơl an ta ăp rơh tâm mâp, trong kan âk ding.

Thượng tướng Nguyễn Tân Cương đă tâm let năp tay, bar ding an geh rgum ta ăp trong kan kơt: tâm rgop mbơh tơih nău n’hanh mbơh ƀư geh săk rnglăy nău gĭt vât nsum bâh nuĭh leo kan gâl têh n’hanh n’gâng kan mât rnă njrăng ngih dak 2 ding mpeh tâm kơl kan tahen, mât rnă njrăng ngih dak, tâm mbơh nău kan, tâm nđur sĩ quan mom, ntĭm nti rnoh nuĭh kan, tâm kơl mât uănh, mât n’har bri, mbơh tơih, ntĭm nti mpeh nău way ơm tâm boh kan 2 dak, 2 tahen.