Ôi 3/6, ta Nhih pah kan kruanh dak, Kruanh dak Tô Lâm, Kruanh mât bôk n’gâng kan tahen ƀon lan, Kruanh Hội đồng Quốc phòng n’hanh An ninh ntăm an siƀŭt ntop n’hao Thượng tướng Trịnh Văn Quyết, Ủy viên Trung ương Đảng, Ủy viên Quân ủy Trung ương, Groi Chủ nhiệm Tổng cục Chính trị Tahen ƀon lan Việt Nam ƀư Chủ nhiệm Tổng cục Chính trị Tahen ƀon lan Việt Nam.

Ndơ̆ siƀŭt n’glêh an n’hanh geh nău lah ta rơh lễ, Kruanh dak lah rjăp, siƀŭt n’glêh an  dja lah nău n’hao rhơn têh bah wa Trịnh Văn Quyết, nău rhơn nsum bah Quân ủy Trung ương, Bộ Quốc phòng, Tổng cục Chính trị Tahen ƀon lan Việt Nam nkre mpơl nău nsing nơm, uănh khlay bah Đảng, Ngih dak n’hanh ƀon lan đah mpôl tahen n’hanh mpôl năp ndơ rnă săk ƀon lan; nău nchih nkah, rnê âk ăp nău rgop, nău gĭt blău bah wa Trịnh Văn Quyết đah pah kan đảng, pah kan chính trị tâm tahen ăp năm aơ. Lah ta rơh lễ, Thượng tướng Trịnh Văn Quyết ton nsrôih tay, tiăr nti tay, mât nuih n’hâm uĕh lŏng cách mạng, nău nsing nơm, nău rhơn n’hao bah nuĭh cán bộ, đảng viên; nsrôih kơt nti n’hanh ƀư tĭng nuih n’hâm uĕh lŏng, trong gŭ rêh Hồ Chí Minh, ăp rnoh di nuih n’hâm uĕh lŏng cách mạng bah cán bộ, đảng viên rơh mhe; mbra dơn n’hanh ƀư lôch jêh ăp nău dơn kan dơi Đảng, Ngih dak, tahen n’hanh ƀon lan jao an.