Kêng măng 3/4,  mpôl Thường vụ Tỉnh ủy Lâm Đồng ƀư mâp măt, pah kan đah ăp nhih pah kan báo chí. 

Ta rơh mâp, ntơh măt ăp nhih pah kan báo chí hŏ nkoch âk nău rgop đah nău ŭch rŏng n’gor Lâm Đồng ân pơk hvi, rgâl dơh tay đŏng nău tâm pă, nkoch gĭt nău lư  ngăn, nta trong dơh gay báo chí ƀư jăp nău kan nkoch trêng, rgop di tay, ntik n’hao uĕh nău khlay kan lah ntung njŏ đah Đảng, Ngih dak đah ƀon lan... mpơl nău ndrel hăn đah hun hao nsum bah n’gor. Lah ta rơh mâp măt, wa Nguyễn Thái Học, nuĭh dơi manh ƀư Bí thư Tỉnh ủy Lâm Đồng nkah djăt, lah uĕh nău rgop kalơ nuih n’hâm tâm rdâk njêng n’hanh dơn kan bah ntơh măt ăp nhih pah kan báo chí, nkre ŭch rŏng báo chí ndrel hăn tay n’gor tâm let năp tay. Ăp rơh mbra geh ăp tơ̆ pah kan đah nhih pah kan báo chí n’hanh lor nchrăp pah kan đah báo chí.