Ôi 4/3, ta nkual ƀon têh Pleiku, n’gor Gia Lai, mpôl pah kan bah Tiểu ban Điều lệ đảng Đại hội XIV, tă bah wa  Nguyễn Trọng Nghĩa- Kruanh Ban Tuyên giáo TƯ, nuĭh kan nsum tâm tiểu ban, ƀư tơm tâm nchră rgop nău tâm trong nchrăp ăp đề cương siƀŭt mbơh bah tiểu ban ăp n’gor nkual Tây Nguyên.

Tâm nchră dơi ƀư gay djăt ăp nău rgop  tâm 2 trong nchrăp mbơh lah n’glôch jêh pah kan rdâk njêng Đảng 05 năm (2021 - 2025) n’hanh trong nchrăp đề cương mbơh n’glôch jêh 15 năm tĭng ƀư Điều lệ  Đảng. Yor kơt nê̆, Tiểu ban ŭch rŏng rnôk tâm nchră, geh nău tâm ban, geh nău ŭch âk,  lơn lah ăp nkô̆ nău mhe, nkô̆  nău jêr bah ngăn ngăn. Ntơm bah nê,  rgop, rdâk njêng, geh nău dơn ngoăy mpeh nău mĭn, trong nchrăp bah Đảng mpeh hun hao neh dak lvang năm 2026 - 2030, uănh ngai tât năm 2045; rgop hun hao tay nău gĭt êng lý luận bah Đảng he mpeh chủ nghĩa xã hội n’hanh trong hao tât chủ nghĩa xã hội ta dak he. Ta tâm nchră, đại biểu Ban Thường vụ tỉnh uỷ ăp n’gor Tây Nguyên hŏ geh âk nău  rgop geh rnoh khlay ntoh bah ngăn ngăn bah tĭng n’gor n’hanh bah nkual./.