Lơ 30/12, ta Hà Nội, Học viện Chính trị quốc gia Hồ Chí Minh ƀư Rƀŭn nchră n’glôch jêh trong kan năm 2025 n’hanh mbơh ƀư nău kan năm 2026. Tổng Bí thư Tô Lâm râng n’hanh ntoh ngơi ntĭm rđău. Nkah tay nău ntĭnh bah Kruanh Hồ Chí Minh:

“Tiăr nti cán bộ lah nău kan tơm bah Đảng”, Tổng Bí thư năl lah, Học viện lah ntŭk boăt rgum bôk rngok, nanh janh chính trị n’hanh tinh hoa lý luận bah Đảng he; rgum mĭn njêng lý luận chính trị bôk năp bah neh dak; lah ntŭk nsing nơm khlay tâm lam Đảng, lam ƀon lan, ntĭm nti cán bộ, ngăn lah cán bộ gưl têh. Tâm rnôk du lvang hun hao mhe, Tổng Bí thư đă, năm tât Học viện Chính trị quốc gia Hồ Chí Minh rgum ƀư tĭng 6 nău rƀŏng n’hanh nău kan khlay, rgâl mhe tay uĕh trong kan ntĭm nti cán bộ tĭng trong ngăn ngên, săk rnglăy, mhe, hăn ndrel đah đă ƀư tĭng ăp trong mkra têh bah Đảng.