Lah ta rơh pah kan, Tổng Bí thư, Kruanh dak Tô Lâm lah kloh, tâm bah ri aơ nơh, bol rnoh âk tơ̆ nău tih ngăn, siƀŭt sitra hao âk, nar lơn ma krit jêr, ăp gưl ủy, mpôl kan đảng n’hanh nhih pah kan tư pháp hŏ geh âk nău nsrôih, geh nău dơi uĕh.

Yơn lah, nô nău nkra hôm ruih nkai, ntoch jong mô hŏ dơi nkra bah lĕ. Tổng Bí thư, Kruanh dak Tô Lâm đă ân n’hao dăng nău rđău kan bah Đảng đah pah kan njrăng n’gang, nkra bah nău tâm pih drăp ndơ ƀon lan, siƀŭt sitra n’hanh dâk ƀư tĭng lôch jêh phat dôih. Nkre ân ƀư wat jêh tay ăp kôp pháp luật, đăp mpăn nău dơi bah nuĭh ƀon lan dơi mât njrăng mbro bah njrăng der tâm pit tât dâk ƀư tĭng lôch jêh phat dôih, nkra bah ăp n’glĕ an siƀŭt mô lăng khlay ƀư jêng ntoch jong rnôk nkra nău tih. Tổng Bí thư, Kruanh dak dăn đă ăp nhih pah kan ndăn tĭng ƀư ăp nău dơn kan geh tât; nău hŏ kloh ri ƀư dĭl, nău hôm wăk ri lor nchrăp droh rklaih, mô tâm nje, mô tâm gư nsum. Tĭng nău kan ân ntrŏng kloh nhih pah kan ƀư tơm, nhih pah kan nsum, ndơ geh ƀư, rnoh ngăch ƀư.