Lah n’glôch jêh tâm nchră, Tổng Bí thư, Kruanh dak Tô Lâm, Bí thư Quân ủy Trung ương nchih nkah, rnê âk nău dơi geh ƀư tâm quý III, tâm nê Quân ủy Trung ương hŏ rđău đă lam mpôl tahen tĭng jăp nău rđău đă bah Đảng, Ngih dak, ntik n’hao nău way ơm chrat ang n’hanh nuih n’hâm uĕh lŏng “Tahen Wa Hồ”, tâm rnglăp, rlău ăp jêr jŏt, an tĭng ƀư lam lĕ rngôch ăp nău kan tahen, njrăng n’gang neh dak. lah rjăp, quý IV lah rnôk geh nkô̆ khlay n’glêh an tât nău dơi ƀư lôch jêh nău kan năm 2026, Tổng Bí thư, Kruanh dak dăn đă Quân ủy Trung ương ân rgum rđău đă, an ƀư lĕ n’hâm suan ăp trong nkra, nsrôih ƀư lôch jêh lĕ rngôch ăp rnoh tât kan, nău dơn kan năm 2026 đah nău dơi dŭt âk. Rđău đă lam mpôl tahen lor nchrăp, ngăch ngăr, rƀah gĭt, nchroh lor, uănh năl di nô nău, lôch jêh uĕh nău kan nsŏng kơl đah Đảng, Ngih dak trong lơh nkra ngăch rplăch, lơh dơi ăp nău tât ndal, mô an geh ndrât, lơn lah ăp nkô̆ nău têh jong, nkô̆ nău n’har bri, dak lêng, gôl dak, ntŭk trôm mạng.