Tĭng trong tor Nkual ƀon têh n’gluh, quý IV ân hao rlău 13% gay tât rnoh hun hao năm 2026. Tổng Bí thư, Kruanh dak an lah aơ lah nău ŭch ndơ̆ luh dŭt âk, ân ntrŏng kloh nău dơi rgop bah tĭng n’gâng kan, tĭng trong nchrăp n’hanh tĭng rmôt doanh nghiệp.

Tâm rnôk lam ntŭr neh rgoh n’gơ ngăch, nkual ƀon têh ân n’hao nău dơi nchroh lor, nchrăp rdâk njêng trong rdâng lơh, ndrel đah nău rôih sŏng rnoh tât kan jŏ jong mpeh yach ngăch, công nghệ, nuĭh kan n’hanh ntŭk keh mbrô. Păng dăn đă Ban Thường vụ Thành ủy rgâl mhe tay nău mĭn nchrăp lor, n’hao nău dơi dŏng ƀư, nkra nău kan tât jêng geh dơi n’glĕ dŭt. Mât dŏng geh nău tam n’glĕ nău dơi kan ntơm bah Luật Hun hao đô thị gay koh glêh siƀŭt, hŭch đêt prăk dŏng kan an nuĭh ƀon lan n’hanh doanh nghiệp. Ra uănh tay lĕ rngôch ntŭk ƀư mbrơi nkai, tĭng nuĭh dơn kan, ntrŏng kloh nar nkra lơh, kô̆ yơn bah tĭng siƀŭt. Rdâk nâp tay n’gâng kan bar gưl, lor an tơm ndơ xã, phường mpet jâk; mât dŏng lĕ nău lư mbrô gay hŭch bah jêr jŏt an ƀon lan, doanh nghiệp. Uănh năl cán bộ ma ndơ geh ƀư ngăn ngăn n’hanh nău di nuih n’hâm bah lam ƀon lan, rgâl dĭl cán bộ mô tŏng geh nău dơi kan.